#
#

Otoitzen: "ABBA - AITA"


Hitz egidazu Jainkoaz #
#
#

Almendrondoari esan nion: Hitz egidazu Jainkoaz!
Eta almendrondoa loratu egin zen.

Behartsuari esan nion: Hitz egidazu Jainkoaz!
Eta behartsuak bere soingainekoa eman zidan.

Ametsari esan nion: Hitz egidazu Jainkoaz!
Eta ametsa egia bihurtu zen.

Etxeari esan nion: Hitz egidazu jainkoaz!
Eta atea ireki zen.

Haurrari esan nion: Hitz egidazu Jainkoaz!
Eta haurrak neroni eskatu zidan.

Baserritarrari esan nion: Hitz egidazu Jainkoaz!
Eta baserritarrak lurra lantzen erakutsi zidan.

Izadiari esan nion: Hitz egidazu Jainkoaz!
Eta izadia edertasunez estali zen.

Adiskideari esan nion: Hitz egidazu Jainkoaz!
Eta adiskideak maitatzen irakatsi zidan.

Txikitxo bati esan nion: Hitz egidazu Jainkoaz!
Eta haurrak irribarre egin zidan.

Urretxindorrari esan nion: Hitz egidazu Jainkoaz!
Eta urretxindorra kantuan hasi zen.

Gerrari bati esan nion: Hitz egidazu Jainkoaz!
Eta gerrariak armak utzi zituen.

Saminari esan nion: Hitz egidazu Jainkoaz!
Eta samina itxaropen bihurtu zen.

Iturriari esan nion: Hitz egidazu Jainkoaz!
Eta ura atera zen.

Nire amari esan nion: Hitz egidazu Jainkoaz!
Eta amak bekokian musu bat eman zidan.

Eskuari esan nion: Hitz egidazu Jainkoaz!
Eta eskua zerbitzatzen hasi zen.

Etsaiari esan nion: Hitz egidazu Jainkoaz!
Eta etsaiak eskua luzatu zidan.

Jendeari esan nion: Hitz egidazue Jainkoaz!
Eta jendeak maite zuen elkar.

Ahotsari esan nion: Hitz egidazu Jainkoaz!
Eta ahotsa hitzik gabe aurkitu zen.

Jesusi esan nion: Hitz egidazu Jainkoaz!
Eta Jesusek Gure Aita errepikatu zidan.

Arratsaldez, eta ikaraz, esan nion eguzkiari: Hitz egidazu Jainkoaz!
Eta eguzkia, ezer esan gabe, ezkutatu egin zen.
Baina biharamunean, egunsentian,
irri egin zidan berriro.

# # #





bidean@bidean.net
castellano euskera batua euskera bizkaiera orue