#
#

Salmo tailerra:


16. (15.) Salmoa # #
#
#

16. (15.) Salmoa: JAUNA NIRE ON GUZTIA


(1) Miktam. Davidena.

Gorde nagizu, Jauna, zuregan dodalako babesa.
(2) Hau dinot: «Oi Jauna, zu zaitut ene Jaun,
zuregan baino ez dot zorionik».


(3) Lurralde honetako jainkoak,
«ahalmen» deitu horreek, nituen behinola atsegin.

(4) Ugaldu beitez ezbeharrak
horreen atzetik lehiatzen diranen gainera!
Nik ez deutset sakrifizioen odolik eskeiniko,
ez ezpainetan hareen izenik hartuko.


(5) Zu zaitut, Jauna, neure on guztia,
neure kopa, bedeinkapenez betea;
zure esku dago nire zoria!

(6) Zoragarria suertatu jatan solo-arloa,
ezin ederragoa nire ondarea!


(7) Bedeinkatu nahi dot Jauna, aholku deust-eta emoten,
gauez ere berak dau nire barrua hezten.

(8) Begi aurrean dot Jauna eten barik;
Ha ondoan dodala, ez naiteke dardaratu.


(9) Horregaitik, alai daukat bihotza,
pozik erraiak, atsedenean nasai gorputza.

(10) Ez dozu-eta nire bizia Herio-leizera jaurtiko,
ezta ere zeure fededuna hilobian galtzen itziko.

(11) Bizirako bidea erakutsiko deustazu:
alaitasun betea zure aurrean,
betiko zoriona zure ondoan.

# # #





bidean@bidean.net
castellano euskera batua euskera bizkaiera orue