#
#

Salmo tailerra:


111 (110). Salmoa # #
#
#

111 (110). Salmoa:
BERE EKINTZETAN HAUNDI DAN JAUNARI GORESPEN-KANTA


(1) Aleluia! Gora Jauna!

Bihotz-bihotzez goratuko dot Jauna,
batzarrean zuzenekin alkarturik.

(2) Haundiak dira Jaunak eginak,
gogoko dabezan guztientzat aztergai.

(3) Haren ekintzak ospez eta ederrez beteak,
haren salbamen-asmoak betiko dirau.

(4) Haren ekintza harrigarriak gogoratu daiguzan nahi dau:
errukior eta bihozbera da Jauna.

(5) Begirune deutsoenei janaria deutse emoten;
bere ituna beti gogoan izan dau.

(6) Ekintzetan agertu deutso herriari bere indarra,
beste nazinoen lurraldeak berari emonez.


(7) Haren ekintzak leial eta zintzo,
haren legeak fidagarri,

(8) beti-betiko ezarriak,
leialtasun eta zuzentasunez burutuak.


(9) Bere herriari askatasuna emon deutso,
hareekin ituna finkatu betiko.
Santua eta bildurgarria da bera!


(10) Jaunarenganako begirunea da jakinduriaren oinarria:
benetan zuhur honen arabera jokatzen dabenak.
Jaunaren gorespenak betiko dirau.

# # #





bidean@bidean.net
castellano euskera batua euskera bizkaiera orue