Daviden salmoa.

(1) Jauna dot artzain: ez naz ezeren beharrean.
(2) Larre gurietan etzunazoten nau,
ur baretara eroaten,
(3) eta indarrak barritzen;
bide egokitik naroa, leiala dalako.

(4) Ibar baltz-ilunetan banabil ere,
ez dot inolako gaitzen bildurrik,
zu nirekin zagozelako:
zure artzain-makilak lasaitzen nau.

(5) Zuk atontzen deustazu mahaia arerioen begi aurrean,
orioz igurtziten deustazu burua; gainezka dot edontzia.
(6) Bai, zorionak eta leialtasunak inguratuko nabe
bizitzako egun guztietan;
Jaunaren etxean biziko naz amaibako egunetan.