Orue - Eubako Albisteak

JOXE LARRUSKAIN GARITAGOITIA Aitari agurra

Data: 2021 / 03 / 19

Jaiotza: 1939ko urriaren 24an. Heriotza: 2021eko martxoaren 15ean.

Gure OMENALDI ANAIKORRA

2021eko martxoaren 15ean, Deustoko Pasiotarren Gaixo Zaindegian, 82 urteko zala, hil zen Joxe Larruskain. Hainbat denbora eraman du Basurtoko gaixotegian; egun batzuek lehenago etxeratua izan zen, denbora luzean bertan egon ondoren.

Martxoaren 16an, asteartea, arratsaldeko 17:30etan, hileta ospakizuna egin zen Pasioa-San Felicisimo parrokian. Pasiotar erlijiosoen taldetxo bat izan zen mahaikide Eukaristian: egia esan, Erizaintzan berarekin gaixo taldean bizi izan direnak, baina baita Euskal Herriko erlijioso elkarte ezberdinetatik hurbildu zirenak ere. Markina-Xemeingo senideak ere bertaratu ziren.

A. Joxe Orue-Eubako Pasiotarren elkartekoa zen, baina urtebete zeraman Pasiotar erlijiosoak Deuston duten Gaixo Zaindegian. Bere osasuna gero eta txarragora joan zen, sendagile laguntzak eta guzti. Bego bakean gure anai eta laguna eta gozatu begi BIZI BETEAN Aitaren Erreinuan!

Bila ta bila dabil
txoria mendian;
bila ta bila, Joxe,
munduko bidean.
Jauna maitez
bizi zaitez
Aitaren etxean,
bideak amaituta
zorion betean.


******************************************

A. Joxeren ibilbideari buruzko DATU BEREZIAK eskaintzen ditugu

Jaiotza 24-10-1939 (Markina-Xemein - Bizkaia)
Lehen Profesa 24-04-1957 (Angoston)
Betiko Profesa 12-12-1960 (Urretxun)
Abadegintza 21-09-1963 (Urretxun)


BERE BIZITZAKO NUNDIK NORAKOAK

Angosto 1956-1957 Nobiziadoa
Tafalla 1957-1959 Filosofia ikasketak
Urretxu 1959-1963 Teologia ikasketak
Deusto-Bilbo 1963-1964 Pastoraltza urtea
Cajicá (Colombia) 1964-1972 Irakasle
Medellín (Colombia) 1975-1976 Parrokiko laguntzaile
Deusto-Bilbo 1976-1978 Parrokiko laguntzaile
Paris 1978-1980 Emigrazio pastoraltza
Balmaseda (Bizkaia) 1980-1981 Parrokiko laguntzaile
Euba (Bizkaia) 1980-1989 Pastoraltza - Irakasle
San Sebastián (Puerto Rico) 1989-1994 Parrokia-kargua eta Ekonomoa
Santo Domingo (Dominikar Er.) 1995-1998 Ikastetxeko Zuzendaria eta Parrokoa
Madril 1998-1999 Urte sabatikoa
Euba (Bizkaia) 1999-2020 Hainbat lan: Ikastolako erlijio zuzendaria, tokiko ekonomoa, parrokiko laguntzailea
Deusto-Bilbo 2020-2021 Probintziako Gaixo Zaindegia


A. Martzelen bertsoak:



A. Martzelen bertsoak jaisteko >>>sakatu HEMEN>>>

 

Argibideak

 
 
bidean@bidean.net
castellano euskera batua euskera bizkaiera orue